أجمل نكت الخليل كوميدي وحمادة سلطان 2024

نكت الخليل كوميدي وحمادة سلطان عبر موقع فكرة trend.fekera.com، الخليل كوميدي وحمادة سلطان يعدا من اشهر المنولوجيست المصريين حيث يتابعهم جمهور كبير من محبي الكوميديا والمرح في مختلف انحاء الوطن العربي، وكلًا منهما يميزه اسلوب وطريقة خاصة في القاء النكات والافيهات وهما سببًا رئيسيًا في ضحك الكثيرين، واليوم ومن خلال هذا المقال نعرض لمحبي هذين النجمن مجموعة من النكت المميزة والمضحكة للخليل كوميدي وحمادة سلطان، فتابعونا.

نكت الخليل كوميدي

الخليل كوميدي هو نجم شهير في المنولوجيست من ابناء محافظة الدقهَلْية بدأ مشواره الفني في العام 2012، وقد اشتهر الخليل كوميدي بنكاته التي يراها الكثيرون سخيفة الا انها تنجح في اضحاك البعض، فاختلاف اذواق الجمهور سبب في تفضيل البعض لنجوم قد لا يحبذ محتواهم البعض الاخر، وهناك ملايين المتابعين للخليل كوميدي ممن يسعون لمتابعة كل ما يقدمه من جديد في عالم النكت، وفي الفقرة التالية نعرض لكم بعض نكات الخليل كوميدي :

• مرة واحد عنده سكر راح لدكتور رخم، قال له: حط له شوية نمل.
• حرامي قاعد مع خطيبته في مطعم وفجأة النور قطع، فقالت له: يلا خد فرصتك.. قام أخد الشنطة وجري.
• مدرس اتجوز مدرسة كتبوا الكتاب على الوايت بورد.
• هو يوم الخميس يوافق يوم 20؟ لو ضغطنا عليه هيوافق.
• اتنين راحوا للحلاق، واحد حلق والتاني خاتم.
• عيل رخم خبط على جيرانه قال لهم: عندكوا جزر، قالوا له: أيوة.. قال لهم: واحنا كمان.
• واحد ميكانيكي فتح محل شيكولاتة سماه كلاكسي.
• مرة بنت اسمها نور شربت مياه اتكهربت.
• واحد بتاع سمك ابنه مات، قام قايل: ده كان لسه صاحي وبيلعب.
• مرة واحد اسمه زهران لما كبر بقا بينام بدري.

نكت الخليل كوميدي طويلة بايخة

يفضل البعض من محبي النكات السخيفة ان تكون النكتة طويلة فذلك يكون ادعى للضحك اكثر فالمستمع يبدأ مع مرور الوقت يشعر بالملل ويزيد شعوره ببواخة وتفاهة النكتة ويظل في انتظار انتهاءها بفارغ الصبر، وللخليل كوميدي العديد من النكات الطويلة والتي يسعى بها لاستفزاز الجمهور ونزع الضحكة من المستمع والتي تسببها سخافة النكتة وركاكتها، والان نستعرض لكم في السطور التالية عدد من النكت الطويلة والبايخة للخليل كوميدي :

• قالوا لبخيل: تعمل ايه لو الدنيا برد، قال لهم: هقرب من الدفاية.. : طب لو برد أوي، قال لهم: هقرب أكتر من الدفاية.. : طب لو برد أوي أوي، قال لهم: هَلْزق في الدفاية.. قالوا له: طب لو نزل تلج، قال لهم: لا كدة هضطر اشغل الدفاية.
• واحد خلع الباب بتاع البيت ونزل الشارع، قابل جاره فجاره قال له: انت رايح فين.. قال له: هودي الباب للنجار يصلحه، فجاره قال له: طب مش خايف بيتك يتسرق.. قال له: لا طبعًا أنا معايا الباب الحرامي هيخش منين؟
• عملوا جايزة مليون جنيه للي مخلف 10 أطفال، ففي راجل عنده تسعة، قال لمراته أنا متجوز عليكي ومخلف واحد هروح أجيبه واجي.. لما جه ملقاش العيال ولما سأل عليهم مراته قالت له: أبو كل ولد جه وخده.
• واحد اشترى لاب توب لأول مرة ومش فاهم فيه حاجة، ضغط على زرار الاسطوانات بالغلط.. فطلع له مكان الأسطوانة من الجنب، قال: ياه حتى كوباية الشاي عمالنلها مكان.

نكت الخليل كوميدي متنوعة

الخليل كوميدي يحرص على التواجد على منصات التواصل الاجتماعي لمواكبة جمهورة بكل جديد من الافيهات والنكت التي يتميز بها، ويتابع صفحة الخليل كوميدي على الفيس بوك ملايين الاشخاص من مختلف الجنسيات والاعمار لذا يحرص الخليل كوميدي على طرح نكت متنوعة يسعى بها لإضحاك جمهوره بكل الوسائل، وفي هذه الفقرة مجموعة متنوعة من نكت الخليل كوميدي :

• عمرو دياب اتصل مرة بمستشفي، الموظف قال: مين معايا.. قام عمرو قال له: تمرجي معاك.
• ليه الدكتور لما مريض بيجيله بيديله بنج؟ عشان معندهوش بلياردو.
• مرة واحدة اشترت بطانية فايبر، قامت أختها اتغاظت واشترت التانية واتس.
• ليه القطر بيقف قدام الصيدلية؟ عشان يعاكس القطرة وهي خارجة من الصيدلية.
• مرة واحد ساب عربيته دايرة ونزل يشتري حاجة.. رجع لقاها مربع.
• ليه شعار الصيدلية تعبان؟ عشان اللي بيروحوا للصيدلية تعبانين.
• مرة برتقانة معصورة، والتانية مع فيديو.
• ليه الإنجليزي مغذي ومفيد؟ عشان فيه but و with.
• واحد دخل معاه شيبسي في الامتحان، عشان فيه مواد حافظة.

نكت حمادة سلطان

حمادة سلطان يعد اشهر  من القي النكت في جمهورية مصر العربية وهو من مواليد محافظة اسوان حيث انه اشتهر وذاع صيته بشكل كبير في فترة السبعينيات واستمر في اسعاد جمهور كبير من الوطن العربي على مدار سنوات طويلة حتى وافته المنية في عام 2015 عن عمر يناهز 74 عامًا، قدم حمادة سلطان العديد من الحفلات التي حرص على متابعتها الملايين واطلق من خلالها مئات النكات المتنوعة والمضحكة، وفيما يلي بع النكت للفنان الكوميدي حمادة سلطان :

• مرة صعيدي قعد جنب نصاب في مطعم، فالصعيدي طلب سمكة كبيرة والنصاب طلب سمكة صغيرة، فالنصاب عايز ياخد السمكة الكبيرة قام قال للصعيدي: تعرف يا بلدينا إن السمكة بتلف؟ قال له: ازاي؟ قال له: كدا (قام لافف الأطباق).. الصعيدي لف الأطباق تاني وقال له: وحياة أبوك سيب الدنيا على حالها.
• اتنين في لندن شافوا توبيس بدورين، الأول قال للتاني: بقولك ايه أنا عايز أركب فوق.. قام التاني قال له: لا أخاف فوق مفيش سواق.
• مرة واحد راح لواحد صاحبه قال له: نفسي أعمل مزرعة بقر، صاحبه قال له: خلاص جيب شوية سكر ورشهم في الأرض وجيب شوية مياه، صاحبه راح عمل كدا ولما صحي شاف شوية نمل.. قال: يا سلام شوف البقر وهو صغير حلو ازاي.
• مرة واحد راح مطعم وبعد الأكل أخد المعلقة بتاعة المطعم وطلع، مسكوه وسألوه عملت كدا ليه؟ قال لهم: أصل الدكتور قالي خد معلقة بعد الأكل.

نكت رخمة لحمادة سلطان

التاريخ الطويل لحمادة سلطان حافل بالكثير من النكت المختلفة والمتنوعة فمنها النكت خفيفة الظل والمضحكة ومنها نكت سخيفة وتافهة، ونظرًا لوجود الكثيرين من محبي النكت الرخمة بشكل اخص ممن يستمتعون بتداول هذه النكت مع الاصدقاء والقاءها في التجمعات المختلفة لإضفاء اجواء من المتعة والمرح والبهجة، وللباحثين عن هذا النوع من النكت نعرض الان عددًا منها :

• حلاق اشترى بطيخة طلعت قرعة، قال لها: حتى انتِ بتحلقي برة.
• واحد اترفد من وزارة الصحة، واحد قابله قال له: ازي الصحة.. قال له: ما سبناها.
• مرة واحد دخل محل سمك فلقى نوع اسمه سبيط، قال للبياع: ايه ده، الراجل قالوا له: دي سمكة سبيط بتتعمل بـ كذا وكذا وكذا.. المهم الراجل قال للبياع: اكتبلنا الوصفة في ورقة، المهم الراجل ماشي السمك في ايد والورقة في ايد، قام في كلب خطف منه السمك.. الراجل بصلوا وضحك كدا وقالوا له: مش هتعرف تعمله الوصفة معايا.

قدمنا لكم في هذا المقال نكت الخليل كوميدي وحمادة سلطان، في حالة وجود أي استفسار يُرجى ترك تعليق اسفل المقال وسنقوم بالرد عليه في اقرب وقت.